ಆಸ್ಪತ್ರೆಯಲ್ಲಿ ಸಲ್ಲು ಬಾಯ್ ಹೇಗೆ ಸಹಾಯ ಮಾಡಿದರು ಎಂದು ಬಹಿರಂಗಪಡಿಸಿದ ರೆಮೋ..
ಈ ತಿಂಗಳ ಆರಂಭದಲ್ಲಿ ಹೃದಯಾಘಾತದಿಂದ ಬಳಲುತ್ತಿದ್ದ ನೃತ್ಯ ಸಂಯೋಜಕ ನಿರ್ದೇಶಕ ರೆಮೋ ಡಿಸೋಜಾ ತಮಗೆ ಸಲ್ಲು ಬಾಯ್ ಯಾವ ರೀತಿ ಸಹಾಯ ಮಾಡಿದರು ಎನ್ನುವ ಬಗ್ಗೆ ಬಹಿರಂಗಗೊಳಿಸಿದ್ದಾರೆ.
ಇತ್ತೀಚೆಗೆ ನೀಡಿದ ಸಂದರ್ಶನದಲ್ಲಿ ಮುಂಬೈನ ಕೋಕಿಲಾಬೆನ್ ಆಸ್ಪತ್ರೆಗೆ ದಾಖಲಾಗಿದ್ದ ರೆಮೋಗೆ ಬಾಲಿವುಡ್ ತಾರೆ ಸಲ್ಮಾನ್ ಖಾನ್ ಅವರು ಹೇಗೆ ಸಹಾಯ ಮಾಡಿದರು ಎಂಬುದರ ಬಗ್ಗೆ ತೆರೆದಿಟ್ಟಿದ್ದಾರೆ. 2018 ರ ರೇಸ್ 3 ಚಿತ್ರದಲ್ಲಿ ಸಲ್ಮಾನ್ ಖಾನ್ ಅವರೊಂದಿಗೆ ಕೆಲಸ ಮಾಡಿದ ರೆಮೋ, “ಅವರು ಚಿನ್ನದ ಹೃದಯವನ್ನು ಹೊಂದಿರುವುದರಿಂದ ನಾವು ಅವರನ್ನು ದೇವತೆ ಎಂದು ಕರೆಯುತ್ತೇವೆ. ನಾನು ಅವರೊಂದಿಗೆ ಕೆಲಸ ಮಾಡಿದ್ದೇನೆ. ಅವರು ಯಾವ ರೀತಿಯ ವ್ಯಕ್ತಿ ಎಂದರೆ ನನಗೆ ವರ್ಣಿಸಲು ಪದಗಳಿಲ್ಲ. ಸಲ್ಮಾನ್ ಮತ್ತು ನಾನು ಹೆಚ್ಚು ಮಾತನಾಡುವುದಿಲ್ಲ. ಅವರು ಏನಾದ್ರೆ ಹೇಳಿದರೆ ನಾನು ‘ಹೌದು, ಸರ್, ಸರಿ ಸರ್’ ಎಂದು ಮಾತ್ರ ಹೇಳುತ್ತೇನೆ. ವಾಸ್ತವವಾಗಿ ನನ್ನ ಹೆಂಡತಿ ಮತ್ತು ಸಲ್ಮಾನ್ ತುಂಬಾ ಆಪ್ತರಾಗಿದ್ದಾರೆ. ನನ್ನನ್ನು ಆಸ್ಪತ್ರೆಗೆ ಸಾಗಿಸಿದ ಕೂಡಲೇ ನನ್ನ ಪತ್ನಿ ಲಿಜೆಲ್ ಸಲ್ಲು ಬಾಯ್ ಯನ್ನು ಕರೆದರು. ಅವರು ವೈಯಕ್ತಿಕವಾಗಿ ವೈದ್ಯರೊಂದಿಗೆ ಮಾತನಾಡಿ ನಾನು ಆಸ್ಪತ್ರೆಯಲ್ಲಿದ್ದ ಆರು ದಿನ ನನ್ನನ್ನು ಚೆನ್ನಾಗಿ ನೋಡಿಕೊಳ್ಳಲಾಗಿದೆ. ಅವರ ಕಾಳಜಿಗೆ ನಾನು ಚಿರಋಣಿ “ ಎಂದಿದ್ದಾರೆ.
ರೆಮೋ ಡಿಸೋಜಾ ಅವರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಿದ ನಂತರ ಅವರ ಪತ್ನಿ ಲಿಜೆಲ್ ರೆಮೋ ಮರಳುತ್ತಿರುವ ಪೋಸ್ಟ್ ಅನ್ನು ಹಂಚಿಕೊಂಡರು. ತನ್ನ ಪೋಸ್ಟ್ನಲ್ಲಿ ಅವರು ಸಲ್ಮಾನ್ ಖಾನ್ ಅವರಿಗೂ ಧನ್ಯವಾದ ಅರ್ಪಿಸಿದ್ದರು. ಅವರ ಪೋಸ್ಟ್ನ ಒಂದು ಆಯ್ದ ಭಾಗ ಹೀಗಿದೆ: “ಸಲ್ಮಾನ್ ಖಾನ್ ಅವರಿಗೆ ಭಾವನಾತ್ಮಕ ಬೆಂಬಲ ನೀಡಿದ್ದಕ್ಕಾಗಿ ನಾನು ನಿಜವಾಗಿಯೂ ನನ್ನ ಹೃದಯದ ಕೆಳಗಿನಿಂದ ಧನ್ಯವಾದ ಹೇಳಲು ಬಯಸುತ್ತೇನೆ. ನೀವು ದೇವದೂತರಾಗಿದ್ದೀರಿ. ಯಾವಾಗಲೂ ಇರುವುದಕ್ಕೆ ತುಂಬಾ ಧನ್ಯವಾದಗಳು” ಎಂದಿದೆ.
ರೆಮೋ ಡಿಸೋಜಾ ಕಿಕ್, ಹೀರೋ, ಬಾಜಿರಾವ್ ಮಸ್ತಾನಿ, ಭಜರಂಗಿ ಭೈಜಾನ್ ಮತ್ತು ಯೆ ಜವಾನಿ ಹೈ ದಿವಾನಿ ಮುಂತಾದ ಚಿತ್ರಗಳಿಗೆ ನೃತ್ಯ ಸಂಯೋಜನೆ ಮಾಡಿದ್ದಾರೆ. ಇದಲ್ಲದೆ ಡ್ಯಾನ್ಸ್ ಇಂಡಿಯಾ ಡ್ಯಾನ್ಸ್, ಡ್ಯಾನ್ಸ್ ಪ್ಲಸ್ ಮತ್ತು ಜಲಕ್ ದಿಖ್ಲಾ ಜಾ ಮುಂತಾದ ಡ್ಯಾನ್ಸ್ ರಿಯಾಲಿಟಿ ಶೋಗಳಲ್ಲಿ ರೆಮೋ ಡಿಸೋಜಾ ನ್ಯಾಯಾಧೀಶರಾಗಿ ಕಾಣಿಸಿಕೊಂಡಿದ್ದಾರೆ.