ಯುಎಸ್, ಯುರೋಪ್ ಕೋವಿಡ್ -19 ಲಸಿಕೆಗಳ ವಿರುದ್ಧ ಆಫ್ರಿಕನ್ನರಿಗೆ ಎಚ್ಚರಿಕೆ ಕೊಟ್ರಾ ಒಬಾಮಾ?

ಕೊವಿಡ್ -19 ಲಸಿಕೆಯ ಭರವಸೆಯನ್ನು ಜಗತ್ತು ಅಂತಿಮವಾಗಿ ನೋಡುತ್ತಿರುವ ಸಮಯದಲ್ಲಿ, ಅಮೆರಿಕ ಮತ್ತು ಯುರೋಪಿನಿಂದ ಬರುವ ಲಸಿಕೆಗಳನ್ನು ಸ್ವೀಕರಿಸಬೇಡಿ ಎಂದು ಅಮೆರಿಕದ ಮಾಜಿ ಅಧ್ಯಕ್ಷ ಬರಾಕ್ ಒಬಾಮ ಆಫ್ರಿಕನ್ನರಿಗೆ ಎಚ್ಚರಿಕೆ ನೀಡಿದ್ದಾರೆ ಎಂದು ಸಾಮಾಜಿಕ ಮಾಧ್ಯಮದಲ್ಲಿ ಹರಿದಾಡುತ್ತಿರುವ ಸಂದೇಶವೊಂದು ಹೇಳಿದೆ. “ಇದು ಬಿಳಿ ಜನರು ಆಫ್ರಿಕನ್ನರಿಗೆ ಮಾಡಲು ಬಯಸುವ ದುಷ್ಕೃತ್ಯ” ಎಂದು ಒಬಾಮಾ ಕರೆದಿದ್ದಾರೆ ಎಂದು ಸಂದೇಶ ಹೇಳುತ್ತದೆ.

ಸೋಶಿಯಲ್ ಮೀಡಿಯಾದಲ್ಲಿ ಇತ್ತೀಚೆಗೆ ಪುನರುಜ್ಜೀವನಗೊಂಡಿರುವ ವೈರಲ್ ಸಂದೇಶ ಕಳೆದ ವರ್ಷ ಏಪ್ರಿಲ್‌ನಿಂದ ಫೇಸ್‌ಬುಕ್ ಮತ್ತು ಟ್ವಿಟರ್‌ನಲ್ಲಿ ಬಂದಿದೆ.

“ಬರಾಕ್ ಒಬಾಮಾ ಅಮೆರಿಕ ಮತ್ತು ಯುರೋಪಿನಿಂದ ಬರುವ ಲಸಿಕೆಗಳನ್ನು ಸ್ವೀಕರಿಸದಂತೆ ಆಫ್ರಿಕನ್ನರಿಗೆ ಹೇಳುತ್ತಿದ್ದಾರೆ. ಬರಾಕ್ ಒಬಾಮಾ: ಬಿಳಿ ಜನರು ಆಫ್ರಿಕನ್ನರಿಗೆ ಮಾಡಲು ಬಯಸುವ ಈ ದುಷ್ಕೃತ್ಯವನ್ನು ನಾನು ಖಂಡಿಸದಿದ್ದರೆ ನಾನು ಸಹಚರನಾಗುತ್ತೇನೆ. ಮೊದಲನೆಯದಾಗಿ ನಾನು ಅಮೆರಿಕದಲ್ಲಿ ಜನಿಸಿದ್ದೇನೆ ಆದರೆ ನನ್ನದು ಆಫ್ರಿಕನ್ ರಕ್ತ ” ಎಂದು ವೈರಲ್ ಪೋಸ್ಟ್ ಹೇಳುತ್ತದೆ.

ಆದರೆ ವೈರಲ್ ಪೋಸ್ಟ್ ನಂತೆ ಅಮೆರಿಕದ ಮಾಜಿ ಅಧ್ಯಕ್ಷರ ಅಂತಹ ಯಾವುದೇ ಹೇಳಿಕೆಯ ಅಧಿಕೃತ ಕುರುಹು ವಿಶ್ವಾರ್ಹ ಮಾದ್ಯಮಗಳಿಂದ ಲಭ್ಯವಾಗಿಲ್ಲ. ವಾಸ್ತವವಾಗಿ ಒಬಾಮ ಇತ್ತೀಚೆಗೆ ಕೋವಿಡ್ -19 ವಿರುದ್ಧ ಲಸಿಕೆ ಹಾಕುವುದು “ಮಾಡಬೇಕಾದ ಪ್ರಮುಖ ಕೆಲಸಗಳಲ್ಲಿ ಒಂದಾಗಿದೆ” ಎಂದು ಟ್ವೀಟ್ ಮಾಡಿದ್ದಾರೆ.

ಕೋವಿಡ್ -19 ಲಸಿಕೆ ಕುರಿತು ಒಬಾಮಾ

ಸಾಂಕ್ರಾಮಿಕ ರೋಗ ಹರಡಿದಾಗಿನಿಂದ, ಒಬಾಮ ಹಲವಾರು ಸಂದರ್ಭಗಳಲ್ಲಿ ಕೋವಿಡ್ -19 ಮತ್ತು ಯುಎಸ್ ಸರ್ಕಾರದ ಪ್ರತಿಕ್ರಿಯೆಯ ಬಗ್ಗೆ ಮಾತನಾಡಿದ್ದಾರೆ. ಆದಾಗ್ಯೂ, ಅಮೆರಿಕ ಮತ್ತು ಯುರೋಪಿನ ಲಸಿಕೆಗಳನ್ನು ನಿರಾಕರಿಸುವಂತೆ ಅವರು ಆಫ್ರಿಕನ್ನರನ್ನು ಕೇಳಿಕೊಂಡಿದ್ದಾರೆ ಎಂದು ಖಚಿತಪಡಿಸುವ ಯಾವುದೇ ಮಾಧ್ಯಮ ವರದಿ ಇಲ್ಲ.

ಕಳೆದ ವರ್ಷ ‘ಅಸೋಸಿಯೇಟೆಡ್ ಪ್ರೆಸ್’ ನೀಡಿದ ವರದಿಯ ಪ್ರಕಾರ, ಒಬಾಮಾ ಅವರ ವಕ್ತಾರ ಕೇಟೀ ಹಿಲ್ “ಒಬಾಮಾ ಇದನ್ನು ಹೇಳಲಿಲ್ಲ ಮತ್ತು ಅವರು ವ್ಯಾಕ್ಸಿನೇಷನ್ ಪರವಾಗಿದ್ದಾರೆ” ಎಂದು ದೃಢಪಡಿಸಿದರು. ಕಳೆದ ವರ್ಷ ಒಬಾಮಾ ಬಗ್ಗೆ ಅದೇ ವದಂತಿಗಳಿಗೆ ಹಿಲ್ ಪ್ರತಿಕ್ರಿಯಿಸುತ್ತಿದ್ದರು.

ಅಮೆರಿಕದ ಮಾಜಿ ಅಧ್ಯಕ್ಷರಾದ ಬರಾಕ್ ಒಬಾಮ, ಜಾರ್ಜ್ ಡಬ್ಲ್ಯು ಬುಷ್ ಮತ್ತು ಬಿಲ್ ಕ್ಲಿಂಟನ್ ಅವರು ಕೊರೋನವೈರಸ್ ಲಸಿಕೆ ಲಭ್ಯವಾದ ನಂತರ ತೆಗೆದುಕೊಳ್ಳುವುದಾಗಿ ಹೇಳಿದ್ದಾರೆ ಮತ್ತು ಲಸಿಕೆ ಸುರಕ್ಷತೆಯ ಬಗ್ಗೆ ಯುಎಸ್ನಲ್ಲಿ ವಿಶ್ವಾಸವನ್ನು ಬೆಳೆಸಲು ಅದನ್ನು ಚಿತ್ರೀಕರಿಸಬಹುದು ಎಂದು ಅನೇಕ ಸುದ್ದಿ ಸಂಸ್ಥೆಗಳು ವರದಿ ಮಾಡಿವೆ.

ಇತ್ತೀಚೆಗೆ, 2020 ರ ಡಿಸೆಂಬರ್‌ನಲ್ಲಿ ಒಬಾಮ ಅವರು “ಲಸಿಕೆ ಹಾಕುವುದು ನಾವು ಮಾಡಬಹುದಾದ ಪ್ರಮುಖ ಕೆಲಸಗಳಲ್ಲಿ ಒಂದಾಗಿದೆ” ಎಂದು ಟ್ವೀಟ್ ಮಾಡಿದ್ದರು.

With COVID cases surging worse than ever, getting vaccinated is one of the most important things we can do. But until the vaccine is widely available, socially distancing and wearing masks will actually save even more lives, and alleviate the pressure on healthcare workers.

— Barack Obama (@BarackObama) December 21, 2020

ಲಸಿಕೆಗಳ ವಿರುದ್ಧ ಒಬಾಮಾ ಆಫ್ರಿಕನ್ನರಿಗೆ ಎಚ್ಚರಿಕೆ ನೀಡಿದ್ದಾರೆ ಎಂದು ಯಾವುದೇ ಅಧಿಕೃತ ದಾಖಲೆಗಳಿಲ್ಲದ ಕಾರಣ, ವೈರಲ್ ಹಕ್ಕು ಸುಳ್ಳು ಎಂದು ಹೇಳಬಹುದು.