ಯುಪಿಯಲ್ಲಿ ಪೊಲೀಸರ ಉಪಸ್ಥಿತಿಯಲ್ಲೇ ಕೊಲೆ ಆರೋಪಿ ಸಾವು..!
ಉತ್ತರಪ್ರದೇಶದಲ್ಲಿ ಶಾಲಾ ಶಿಕ್ಷಕನನ್ನು ಗುಂಡಿಕ್ಕಿ ಕೊಂದ ವ್ಯಕ್ತಿಯೊಬ್ಬನನ್ನು ಇಂದು ಬೆಳಿಗ್ಗೆ ಪೊಲೀಸರ ಸಮ್ಮುಖದಲ್ಲಿ ಥಳಿಸಲಾಯಿತು. ಬಳಿಕ ಆ ವ್ಯಕ್ತಿ ಸಾವನ್ನಪ್ಪಿದ ಘಟನೆ ಪೂರ್ವ ಯುಪಿಯ ಕುಶಿನಗರದಲ್ಲಿ ನಡೆದಿದೆ. ಈ ವೇಳೆ ಬೆಳಕಿಗೆ ಬಂದ ವೀಡಿಯೊವೊಂದರಲ್ಲಿ ಜನಸಮೂಹ ವ್ಯಕ್ತಿಯನ್ನು ಹೊಡೆಯಲು ಕೋಲುಗಳನ್ನು ಬಳಸಿದ್ದು ಕಂಡುಬರುತ್ತದೆ.
ಗಲಭೆಯಲ್ಲಿ ಹಲವಾರು ಪೊಲೀಸರು ಹಾಜರಿದ್ದರು ಮತ್ತು ಕೆಲವರು ದಾಳಿಯನ್ನು ತಡೆಯಲು ಪ್ರಯತ್ನಿಸುತ್ತಿರುವುದು ಕಂಡುಬಂತು. ಆದರೆ ಆ ಆರೋಪಿ ವ್ಯಕ್ತಿಯ ತಲೆಗೆ ಬಲವಾದ ಏಟು ಬಿದ್ದು ಜನರ ಹೊಡೆತಗಳಿಂದ ಸಾವನ್ನಪ್ಪಿದ್ದಾನೆ.
ವ್ಯಕ್ತಿ ಗೋರಖ್ಪುರದವರು ಎಂದು ಪೊಲೀಸರು ತಿಳಿಸಿದ್ದಾರೆ. ಆರೋಪಿ ವ್ಯಕ್ತಿ ಇಂದು ತನ್ನ ತಂದೆಯ ಬಂದೂಕನ್ನು ಬಳಸಿ ಶಿಕ್ಷಕನನ್ನು ಗುಂಡಿಕ್ಕಿ ಕೊಂದಿದ್ದಾನೆ.