ಮೇಘನಾ ರಾಜ್ ಬಾಳಿಗೆ ‘ವಂಶೋದ್ಧಾರಕ’ ಎಂಟ್ರಿ…! : ಸಂತಸದಲ್ಲಿ ಚಿರು ಕುಟುಂಬ

ಚಿರಂಜೀವಿ ಸರ್ಜಾ ಅವರ ಪತ್ನಿ ಮೇಘನಾ ರಾಜ್ ಅವರಿಗೆ ಇಂದು ಬೆಳಿಗ್ಗೆ 9 ಗಂಟೆಗೆ ಹೆರಿಗೆ ಆಗಿದ್ದು ಗಂಡು ಮಗು ಜನಿಸಿದೆ.

ಹೌದು… ಅಕ್ಷ ಆಸ್ಪತ್ರೆಯಲ್ಲಿ ದಾಖಲಾಗಿದ್ದ ಮೇಘನಾ ರಾಜ್ ಅವರಿಗೆ ಗಂಡು ಮಗು ಜನಿಸಿದೆ. ಜ್ಯೂನಿಯರ ಚಿರು ಎಂಟ್ರಿಗೆ ಸರ್ಜಾ ಕುಟುಂಬಸ್ಥರಿಂದ ಸಂತಸ ವ್ಯಕ್ತವಾಗಿದೆ. ಆಸ್ಪತ್ರೆ ಬಳಿ ಅಭಿಮಾನಿಗಳು ಚಿರು ಹಾಗೂ ಮೇಘನಾ ಕುಟುಂಬಸ್ಥರು, ದ್ರುವ ಸರ್ಜಾ ಮತ್ತು ಅವರ ಪತ್ನಿ ಕೂಡ ಆಸ್ಪತ್ರೆಗೆ ಆಗಮಿಸಿದ್ದಾರೆ.

ಮತ್ತೊಮ್ಮೆ ಚಿರಂಜೀವಿ ಸರ್ಜಾ ಹುಟ್ಟಿ ಬಂದಿದ್ದಾರೆನ್ನುವ ಸಂತಸ ಮನೆ ಮಾಡಿದೆ. ಆಸ್ಪತ್ರೆಯ ಎದುರು ಚಿರು ಅಭಿಮಾನಿಗಳು ಪಾಟಿಕಿ ಸಿಡಿಸಿ ಸಂಭ್ರಮಿಸುತ್ತಿದ್ದಾರೆ. ಎಲ್ಲರೂ ಪರಸ್ಪರ ಸಿಹಿ ಹಂಚಿ ಸಂತೋಷಪಡುತ್ತಿದ್ದಾರೆ. ಚಿರು ಅಕಾಲಿಕ ಮರಣದಿಂದ ಮೌನ ಆವರಿಸಿದ್ದ ಕುಟುಂಬದಲ್ಲಿ ಮತ್ತೆ ಸಂತೋಷ ಮನೆ ಮಾಡಿದೆ.

ಚಿರು ಅಣ್ಣ ಹುಟ್ಟಿರುವುದು ನಮಗೆ ಸಂತಸ ತಂದಿದೆ ಎನ್ನುವುದು ಅಭಿಮಾನಿಗಳ ಮಾತಾಗಿದೆ. ಇನ್ನೂ ವಿಶೇಷವೇನೆಂದರೆ ಚಿರು, ಮೇಘನಾ ಅವರ ನಿಶ್ಚಿರಾರ್ಥದ ದಿನವೇ ಮರಿ ಚಿರು ಆಗಮನ ಸರ್ಜಾ ಕುಟುಂಬಸ್ಥರಲ್ಲಿ ತುಂಬಾ ಸಂತಸವನ್ನುಂಟು ಮಾಡಿದೆ. ಕುಟುಂಬದ ಎಲ್ಲಾ ಸದಸ್ಯರು ಸಂಭ್ರಮಿಸುತ್ತಿದ್ದಾರೆ.

ಸುಳ್ಳು ಸುದ್ದಿಗಳ ವಿರುದ್ಧದ ಹೋರಾಟಕ್ಕೆ ದೇಣಿಗೆ ನೀಡಿ ಬೆಂಬಲಿಸಿ
Spread the love

Leave a Reply

Your email address will not be published.

Verified by MonsterInsights