ಮತ್ತೊಬ್ಬರ ಜೀವ ಉಳಿಸಲು ಅಪಘಾತ ಮಾಡಿದ ಚಾಲಕ; ವಿಡಿಯೋ ವೈರಲ್
ನಿಯಂತ್ರಣ ಕಳೆದುಕೊಂಡು ಅಡ್ಡಾದಿಡ್ಡಿ ಓಡುತ್ತಿದ್ದ ಕಾರಿನಲ್ಲಿದ್ದವರ ಜೀವ ಉಳಿಸುವ ಉದ್ದೇಶದಿಂದ ಮೊತ್ತೊಂದು ಕಾರಿನ ಚಾಲಕರೊಬ್ಬರು ಕಾರಿಗೆ ಅಪಘಾತ ಮಾಡಿರುವ ಘಟನೆ ನೆದರ್ಲ್ಯಾಂಡ್ನಲ್ಲಿ ಶುಕ್ರವಾರ ನಡೆದಿದೆ.
ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕಾರಿಗೆ ಅಪಘಾತ ಮಾಡಿ ಜೀವ ಉಳಿಸಿದ ಚಾಲಕನ ಸಾಹಸಕ್ಕೆ ಭಾರೀ ಮೆಚ್ಚುಗೆ ವ್ಯಕ್ತವಾಗುತ್ತಿದೆ.
ಘಟನೆಯ ದೃಶ್ಯಗಳಿರುವ 1 ಸೆಕೆಂಡ್ಗಳ ವಿಡಿಯೋದಲ್ಲಿ, ಹೆದ್ದಾರಿಯಲ್ಲಿ ಕಾರೊಂದು ನಿಯಂತ್ರಣ ಕಳೆದುಕೊಂಡು ಅಡ್ಡಾದಿಡ್ಡಿ ಸಾಗುತ್ತಿದೆ. ಆ ಕಾರು ಯಾರಿಗಾದರೂ ಅಥವಾ ಯಾವುದಾದರೂ ಮರಕ್ಕೋ, ರಸ್ತೆ ಡಿವೈಡರ್ಗೋ ಗುದ್ದುತ್ತದೆಯೇ ಎನಿಸುವಂತೆ ಕಾರು ಓಡುತ್ತದೆ. ಹೀಗೆ ಅಡ್ಡಾದಿಡ್ಡಿಯಾಗಿ ಓಡುತ್ತಿದ್ದ ಕಾರನ್ನು ಕಂಡ ಮತ್ತೊಂದು ಕಾರಿನ ಚಾಲಕರೊಬ್ಬರು ತಮ್ಮ ಕಾರನ್ನು ಅಡ್ಡ ತಂದು ಅಡ್ಡಾದಿಡ್ಡಿ ಓಡುವ ಕಾರಿ ಮುಂದೆ ನಿಲ್ಲಿಸಿ ಅಫಘಾತ ಮಾಡಿ, ಅಡ್ಡಾದಿಡ್ಡಿ ಓಡುತ್ತಿದ್ದ ಕಾರನ್ನು ನಿಲ್ಲಿಸಿದ್ದಾರೆ. ಅಲ್ಲದೆ, ಆ ಕಾರಿನಲ್ಲಿದ್ದ ಚಾಲಕಿಯನ್ನು ರಕ್ಷಿಸಿದ್ದಾರೆ.
Man sacrifices his car to save another driver who was unconscious..
Via @RTVNunspeet pic.twitter.com/drgac0UDez
— Buitengebieden (@buitengebieden_) November 21, 2021
ಕಾರಿಗೆ ಅಪಘಾತ ಮಾಡಿ, ಕಾರನ್ನು ನಿಲ್ಲಿಸಿ ಸಾಹಸ ತೋರಿದ ವ್ಯಕ್ತಿ, ಹೆನ್ರಿ ಟೆಮ್ಮರ್ಮ್ಯಾನ್ಸ್ ಎಂದು ಹೇಳಲಾಗಿದೆ. ತಾನು ಮನೆಗೆ ಹೋಗುವಾಗ ಹಿಂದೆ ಬರುತ್ತಿರುವ ಕಾರು ನಿಯಂತ್ರಣ ಕಳೆದುಕೊಂಡು ಓಡುತ್ತಿರುವುದನ್ನು ಗಮನಿಸಿದೆ. ಸ್ಥಿತಿಯ ಬಗ್ಗೆ ಅರಿತು, ತನ್ನ ಕಾರನ್ನು ಆ ಕಾರಿಗೆ ಮುಂದೆ ತುರ್ತು ಬ್ರೇಕ್ ಹಾಕಿ ನಿಲ್ಲಿಸಿದೆ. ಅಡ್ಡಾದಿಡ್ಡಿ ಓಡುತ್ತಿದ್ದ ಕಾರಿನ ಚಾಲಕಿ ಅಸ್ವಸ್ಥರಾಗಿ, ಪ್ರಜ್ಞೆ ಕಳೆದುಕೊಂಡಿದ್ದರು. ಆಕೆಯನ್ನು ರಕ್ಷಿಸಿದ್ದೇವೆ ಎಂದು ಹೆನ್ರಿ ಹೇಳಿದ್ದಾರೆ.
ಇದನ್ನೂ ಓದಿ: ಮೊಬೈಲ್ ನುಂಗಿ ಆರು ತಿಂಗಳು ಹೊಟ್ಟಯಲ್ಲಿ ಇಟ್ಟುಕೊಂಡಿದ್ದ ಭೂಪ; ಶಸ್ತ್ರಚಿಕಿತ್ಸೆ ಮಾಡಿ ಹೊರತೆಗೆದ ವೈದ್ಯರು!