ಊರಿನ ರಸ್ತೆಗಳಲ್ಲಿ ಹರಿದ ರಕ್ತದ ಬಣ್ಣದ ನೀರು; ವಿಡಿಯೋ ನೋಡಿ ದಂಗಾದ ನೆಟ್ಟಿಗರು!
ಊರಿನ ರಸ್ತೆಗಳ ತುಂಬೆಲ್ಲ ಏಕಾಏಕಿ ರಕ್ತದ ರೀತಿಯ ನೀರು ಹರಿದಿದ್ದು, ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ವಿಡಿಯೋ ನೋಡಿದ ಜನರು ಇದಕ್ಕೆ ಕಾರಣವೇನು ಎಂದು ದಂದಾಗಿದ್ದಾರೆ.
ಇಂಡೋನೇಷಿಯಾದ ಪೆಕಾಲೊಂಗನ್ ಎಂಬ ಊರಿನಲ್ಲಿ ಈ ರೀತಿಯ ನೀರು ಹರಿದಿದ್ದು, ವಿಡಿಯೋ ನೋಡಿದ ನೆಟ್ಟಿಗರು ಈ ಊರಿನಲ್ಲೇನೋ ಅಚಾತುರ್ಯ ಆಗಿದೆ ಎಂದು ಭಾವಿಸಿದ್ದಾರೆ. ಆದರೆ, ಈ ನೀರು ಆ ಹಳ್ಳಿಯ ಪಕ್ಕದಲ್ಲಿದ್ದ ಬಟ್ಟೆ ಉತ್ಪಾದನಾ ಕಾರ್ಖಾನೆಯಿಂದ ಹರಿದು ಬಂದ ನೀರು ಎಂಬುದು ಗೊತ್ತಾಗಿದೆ.
ಈ ಊರು ಬಟ್ಟೆ ತಯಾರಿಕೆಗೆ ಹೆಸರುವಾಸಿಯಾಗಿದೆ. ಹೀಗಾಗಿ ಪ್ರವಾಹ ಪರಿಸ್ಥಿತಿ ಉಂಟಾದ ಏರಿಯಾಗಳಲ್ಲಿ ಬಟ್ಟೆ ತಯಾರಕ ಕಂಪನಿಗಳೇ ಜಾಸ್ತಿ ಇದ್ದ ಕಾರಣ ನೀರಿನ ಬಣ್ಣದಲ್ಲಿ ಈ ರೀತಿಯ ಬದಲಾವಣೆ ಕಂಡು ಬಂದಿದೆ. ಪೆಕಾಲೊಂಗನ್ ಒಂದು ಹಳ್ಳಿಯಾಗಿದ್ದು ಈ ಊರಿನಲ್ಲಿ ಬಟ್ಟೆ ತಯಾರು ಮಾಡಲು ಸಾಮಾನ್ಯ ಬಣ್ಣಗಳನ್ನ ಬಳಕೆ ಮಾಡುವ ಬದಲು ಮೇಣಗಳನ್ನ ಬಳಸಲಾಗುತ್ತದೆ.
Red flooding in Pekalongan, Central Java. The water turns red because of the dye from local batik factory. pic.twitter.com/oQjfJqHkzq
— Alex Journey (@alexjourneyID) February 6, 2021
ಇದನ್ನೂ ಓದಿ: ಉತ್ತರ ಖಂಡದ ಹಿಮನದಿಯಲ್ಲಿ ಭಾರೀ ಹಿಮ ಪ್ರವಾಹ; 150 ಜನರು ಕಣ್ಮರೆ!