Fact Check: ಬಿಹಾರ ಚುನಾವಣೆಯಲ್ಲಿ ಮತಯಂತ್ರಗಳನ್ನು ಕದಿಯಲಾಗಿತ್ತಾ?
2020 ರ ಬಿಹಾರ ವಿಧಾನಸಭಾ ಚುನಾವಣೆಯ ಸಂದರ್ಭದಲ್ಲಿ ವಿದ್ಯುನ್ಮಾನ ಮತಯಂತ್ರ (EVM)ಗಳನ್ನು ಕಳವು ಮಾಡಲಾಗಿದೆ ಎಂಬ ಹೇಳಿಕೆಯೊಂದಿಗೆ EVM ಗಳನ್ನು ಅರಣ್ಯ ಪ್ರದೇಶದ ಮೂಲಕ ಸಾಗಿಸುವ ವ್ಯಕ್ತಿಯ ಫೋಟೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.
ಸ್ಟೆಫ್ಫಿ ಎಂಬುವವರು ಈ ಚಿತ್ರಗಳನ್ನು ಹಂಚಿಕೊಂಡು, “EVM ಯಂತ್ರಗಳನ್ನು ಮತ್ತೆ ಪರಿಶೀಲಿಸಬೇಕು. ನಿತೀಶ್ ಕುಮಾರ್ ಜೈಲಿಗೆ ಹೋಗುತ್ತಾರೆಯೇ? ಬಿಹಾರದ ಜನತೆ ಕೇಳುತ್ತಿದ್ದಾರೆ, EVM ಯಂತ್ರವನ್ನು ಕದ್ದ ನಂತರ ಅವನು ಎಲ್ಲಿಗೆ ಹೋಗುತ್ತಿದ್ದಾನೆ? ಮೋದಿ ಆಯೋಗ ಕಳ್ಳ” ಎಂದು ಬರೆದುಕೊಂಡಿದ್ದಾರೆ.
EVM की होगी जांच, नितीश जाएंगे जेल?
पूछता है युवा, पूछता है बिहार EVM चोरी करके कहां ले जा रहा है।
मोदी आयोग चोर है।#Recounting_Bihar_Election#बिहार_मांगें_रिकॉउंटिंग pic.twitter.com/hXUuPy8bnF— steffi (@sara75165335) November 13, 2020
ಇದೇ ರೀತಿಯ ಹೇಳಿಕೆ ಮತ್ತು ಚಿತ್ರಗಳಿರುವ ಈ ಪೋಸ್ಟನ್ನು ಫೇಸ್‌ಬುಕ್‌ನಲ್ಲಿಯೂ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ. ಅಜಯ್ ಪ್ರತಾಪ್ ಸಿಂಗ್ ಎಂಬುವವರು, “ದೇಶದಲ್ಲಿ ಏನಾಗುತ್ತಿದೆ? ನಿಮಗೆ ತಿಳಿದಿದೆಯೇ ಅಥವಾ ನೀವು ಮಲಗಿದ್ದೀರಾ, ಕಳ್ಳರು ಸಾರ್ವಜನಿಕವಾಗಿ ಕದಿಯುತ್ತಿದ್ದಾರೆ” ಎಂದು ಬರೆದುಕೊಂಡಿದ್ದಾರೆ.
ಹೀಗೆ ನೂರಾರು ಜನರು ಇದನ್ನು ಹಂಚಿಕೊಳ್ಳುತ್ತಿದ್ದಾರೆ.
ಫ್ಯಾಕ್ಟ್‌ಚೆಕ್:
ಈ ಚಿತ್ರಗಳನ್ನು ಆಧರಿಸಿ ರಿವರ್ಸ್ ಇಮೇಜ್ ಹುಡುಕಾಟವನ್ನು ನಡೆಸಿದಾಗ, 2019 ರ ಅಕ್ಟೋಬರ್‌ ತಿಂಗಳಿನ ಎರಡು ಟ್ವೀಟ್‌ಗಳು ಪತ್ತೆಯಾದವು. ಅದರಲ್ಲಿ ಈ ಫೋಟೋಗಳು ರಾಯಗಡ್‌ನದ್ದು ಎಂದು ಹೇಳಿದೆ. ಹಾಗಾಗಿ ರಾಯಗಡ್‌ ಮತದಾನದ ವಿವರವನ್ನು ಒಳಗೊಂಡಿರುವ ಹೆಚ್ಚಿನ ಟ್ವೀಟ್‌ಗಳಿಗಾಗಿ ಹುಡುಕಾಡಿದಾಗ, ರಾಯಗಡ್‌ನ ಜಿಲ್ಲಾ ಮಾಹಿತಿ ಕಚೇರಿಯ ಅಧಿಕೃತ ಹ್ಯಾಂಡಲ್ ಪೋಸ್ಟ್ ಮಾಡಿದ ಟ್ವೀಟ್ ಪತ್ತೆಯಾಯಿತು.
https://twitter.com/InfoRaigad/status/1185897091781914624?s=20
ಇದರಲ್ಲಿ, “ಕಲ್ಕರೈನಂತಹ ದೂರದ ದುರ್ಗಮ ಪ್ರದೇಶಗಳ ಮತಗಟ್ಟೆಗಳನ್ನು ತಲುಪುತ್ತಿರುವ ಸಿಬ್ಬಂದಿ. ನಾವು ನಿಮ್ಮ ಬಗ್ಗೆ ತುಂಬಾ ಹೆಮ್ಮೆಪಡುತ್ತೇವೆ” ಎಂದು ಬರೆಯಲಾಗಿದೆ.
ಹಾಗಾಗಿ ಇದರಿಂದ ತಿಳಿದುಬರುವುದೇನೆಂದರೆ, ಈ ಚಿತ್ರಗಳು ಬಿಹಾರ ಚುನಾವಣೆಯಲ್ಲಿ ಮತಯಂತ್ರಗಳನ್ನು ಕದಿಯಲಾಗುತ್ತಿದೆ ಎಂದು ಮಾಡಿರುವ ಆರೋಪ ಸುಳ್ಳಾಗಿದ್ದು, ಇದು ಚುನಾವಣಾ ಸಿಬ್ಬಂದಿಯು ಮತಯಂತ್ರಗಳೊಟ್ಟಿಗೆ ಮತಗಟ್ಟೆಯನ್ನು ತಲುಪುತ್ತಿರುವಾಗ ತೆಗೆದ ಚಿತ್ರವಾಗಿದೆ ಎಂಬುದು ಸ್ಪಷ್ಟವಾಗಿ ತಿಳಿದುಬಂದಿದೆ.
ಇದನ್ನೂ ಓದಿ: POKಯಲ್ಲಿ ಭಾರತೀಯ ಸೇನೆ ‘ಪಿನ್‌ಪಾಯಿಂಟ್ ಏರ್‌ಸ್ಟ್ರೈಕ್’ ಮಾಡಿಲ್ಲ: ಲೆಫ್ಟಿನೆಂಟ್ ಜನರಲ್ ಸ್ಪಷ್ಟನೆ
