ಮೂರು ವರ್ಷದ ಮಗುವಿನ ಮೇಲೆ ಕಾರು ಹತ್ತಿಸಿದ ಚಿಕ್ಕಪ್ಪ ಯಾವ ಗುಂಗಿನಲ್ಲಿದ್ದ ನೋಡಿ..?

ಮೊಬೈಲ್‌ ನೋಡುತ್ತ ಕಾರು ಓಡಿಸುತ್ತಿದ್ದ ಚಾಲಕ, ಕಾರಿಂದ ಇಳಿದು ಮುಂಭಾಗದಿಂದ ಮನೆ ಕಡೆಗೆ ಹೋಗುತ್ತಿದ್ದ ಮೂರು ವರ್ಷದ ಮಗುವಿನ ಮೇಲೆ ಹತ್ತಿಸಿದ್ದು, ಗಂಭೀರ ಗಾಯಗೊಂಡಿರುವ ಮಗು ಜೀವನ್ಮರಣದ ಮಧ್ಯೆ ಹೋರಾಡುತ್ತಿದೆ.

ಉತ್ತರ ದಿಲ್ಲಿಯ ಭಾರತ್‌ ನಗರದಲ್ಲಿ ಈ ದುರ್ಘಟನೆ ನಡೆದಿದೆ. ಗಂಭೀರ ಗಾಯಗೊಂಡಿರುವ ಮಗು ಏಮ್ಸ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದೆ. ಸೋಮವಾರ ಸಂಜೆ ನಡೆದ ದುರ್ಘಟನೆಯು ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಎಸ್‌ಯುವಿ ಕಾರಿನಲ್ಲಿ ಚಿಕ್ಕಪ್ಪ ಮೊಹಮ್ಮದ್‌ ಜತೆ ಮಗು ಮನೆಯ ವರೆಗೂ ಆಗಮಿಸಿದೆ. ಮನೆ ಬಂದಂತೆ ಎಡಗಡೆ ಮುಂದಿನ ಸೀಟಲ್ಲಿ ಕುಳಿತಿದ್ದ ಮಗು ಇಳಿದು, ಕಾರಿನ ಮುಂಬದಿಯಿಂದ ದಾಟಲು ಮುಂದಾಗಿದೆ. ಈ ಸಂದರ್ಭ ಮೊಬೈಲ್‌ ನೋಡುವುದರಲ್ಲಿ ಬ್ಯುಸಿಯಾಗಿದ್ದ ಮೊಹಮ್ಮದ್‌ ಮಗು ಎಲ್ಲಿ ಹೋಗಿದೆ ಎಂಬುದನ್ನು ಗಮನಿಸದೆ ಚಲಾಯಿಸಿಕೊಂಡು ಹೋಗಿದ್ದಾನೆ.

ಹೊಸದಾಗಿ ಖರೀದಿಸಿದ್ದ ಕಾರಿನಲ್ಲಿ ಸುತ್ತಾಡಿ ಬರಲು ಚಿಕ್ಕಪ್ಪ ಮೊಹಮ್ಮದ್‌ ಜತೆ ಕಳುಹಿಸಿದ್ದಾಗಿ ಮಗುವಿನ ತಾಯಿ ಹೇಳಿದ್ದಾರೆ. ಬೇಜವಾಬ್ದಾರಿ ಚಾಲನೆಗೆ ಮೊಹಮ್ಮದ್‌ನನ್ನು ಬಂಧಿಸಲಾಯಿತಾದರೂ, ಬೇಲ್‌ ಮೂಲಕ ಬಿಡುಗಡೆ ಮಾಡಲಾಗಿದೆ.

ಪೊಲೀಸರ ಪ್ರಕಾರ ಮಗು ಮತ್ತು ಅಮ್ಮ ಹತ್ತಿರದ ಮಾರುಕಟ್ಟೆಗೆ ರಿಕ್ಷಾದಲ್ಲಿ ಹೋಗಿದ್ದಾರೆ. ಅಲ್ಲಿ ಮಗುವಿನ ಚಿಕ್ಕಪ್ಪ ಮೊಹಮ್ಮದ್‌ನನ್ನು ಭೇಟಿ ಮಾಡಿದ್ದಾರೆ. ಈ ಸಂದರ್ಭ ತನ್ನ ಹೊಸ ಕಾರಿನಲ್ಲಿ ಮಗುವನ್ನು ಮನೆಗೆ ಬಿಡುವುದಾಗಿ ತಿಳಿಸಿದ್ದಾನೆ.

Leave a Reply

Your email address will not be published.

Social Media Auto Publish Powered By : XYZScripts.com