‘ಉಗ್ರರ ದಾಳಿಗೆ ಮಾವ ಹುತಾತ್ಮರಾದ್ರು, ನಾನು ಸೇಡು ತೀರಿಸಿಕೊಳ್ಳಬೇಕು ಪಾಸ್ ಮಾಡಿ ಸರ್ ಪ್ಲೀಸ್’

ಉತ್ತರ ಪ್ರದೇಶದ 10ನೇ ಮತ್ತು 12ನೇ ತರಗತಿ ಪರೀಕ್ಷೆ ಮುಕ್ತಾಯಗೊಂಡಿದೆ. ಉತ್ತರ ಪತ್ರಿಕೆ ಪರಿಶೀಲನೆ ಶುರುವಾಗಿದೆ. ಈ ಮಧ್ಯೆ ವಿದ್ಯಾರ್ಥಿಗಳು ಬರೆದ ಕೆಲವೊಂದು ದಂಗಾಗಿಸುವ ಉತ್ತರಗಳು ಮಾಧ್ಯಮಗಳ ಗಮನ ಸೆಳೆಯುತ್ತಿವೆ.

ವಿದ್ಯಾರ್ಥಿಯೊಬ್ಬ ಬರೆದ ಉತ್ತರ ಮಾಧ್ಯಮಗಳಲ್ಲಿ ಸುದ್ದಿಯಾಗಿದೆ. ಸರ್, ನನ್ನ ಮಾವ ಸೇನೆಯಲ್ಲಿದ್ದರು. ಭಯೋತ್ಪಾದಕರ ದಾಳಿಯಲ್ಲಿ ಹುತಾತ್ಮರಾಗಿದ್ದಾರೆ. ಪಾಕಿಸ್ತಾನದ ವಿರುದ್ಧ ಸೇಡು ತೀರಿಸಿಕೊಳ್ಳಬೇಕು. ನನ್ನನ್ನು ಪಾಸ್ ಮಾಡಿ ಎಂದು ಉತ್ತರ ಪತ್ರಿಕೆಯಲ್ಲಿ ಬರೆದಿದ್ದಾನೆ ವಿದ್ಯಾರ್ಥಿ.

ಇನ್ನೊಬ್ಬ, ಗುರೂಜೀ, ಪಾಸ್ ಮಾಡಿ. ಇಲ್ಲ ಅಂದ್ರೆ ಭಗವಂತ ನಿಮ್ಮನ್ನು ಕ್ಷಮಿಸುವುದಿಲ್ಲವೆಂದು ಬರೆದಿದ್ದಾನೆ. ಉತ್ತರ ಪ್ರದೇಶದಲ್ಲಿ ಈ ಬಾರಿ ನಕಲಿಗೆ ಕಡಿವಾಣ ಹಾಕಲಾಗಿತ್ತು. ಹಾಗಾಗಿ ಅನೇಕ ವಿದ್ಯಾರ್ಥಿಗಳು ಸರಿಯಾದ ಉತ್ತರ ನೀಡಲು ವಿಫಲವಾಗಿದ್ದಾರೆ. ಉತ್ತರ ಸಿಗದ ಕಾರಣ ಪ್ರಶ್ನೆಯನ್ನೇ ಬರೆದ ವಿದ್ಯಾರ್ಥಿಗಳಿದ್ದಾರೆ.

Leave a Reply

Your email address will not be published.