ಅಮೃತಸರದ ನಿರಂಕಾರಿ ಭವನದ ಮೇಲೆ ಗ್ರೆನೇಡ್ ದಾಳಿ – ಮೂವರ ಸಾವು, ಹಲವರಿಗೆ ಗಾಯ

ಪಂಜಾಬ್ ಅಮೃತಸರ ಜಿಲ್ಲೆಯ ರಾಜಾಸಂಸಿ ಹಳ್ಳಿಯ ಪ್ರಾರ್ಥನಾಲಯ ನಿರಂಕಾರಿ ಭವನದ ಮೇಲೆ ಗ್ರೆನೇಡ್ ದಾಳಿ ನಡೆಸಲಾಗಿದ್ದು, ಮೂವರು ದುರ್ಮರಣ ಹೊಂದಿದ್ದು, 10ಕ್ಕೂ ಹೆಚ್ಚು ಜನರು ಗಾಯಗೊಂಡಿರುವ ಘಟನೆ ರವಿವಾರ ನಡೆದಿದೆ.

‘ ಮುಖಗಳನ್ನು ಮುಚ್ಚಿಕೊಂಡು ಬಂದ ಬೈಕ್ ಸವಾರರಿಬ್ಬರು ನಿರಂಕಾರಿ ಭವನದೆಡೆಗೆ ಗ್ರೆನೇಡ್ ಅನ್ನು ಎಸೆದರು ‘ ಎಂದು ಪ್ರತ್ಯಕ್ಷದರ್ಶಿಗಳು ಹೇಳಿದ್ದಾರೆ. ನಿರಂಕಾರಿ ಭವನದಲ್ಲಿ ಸುಮಾರು 250ಕ್ಕೂ ಹೆಚ್ಚು ಜನ ಪಾಲ್ಗೊಂಡಿದ್ದ ಧಾರ್ಮಿಕ ಕಾರ್ಯಕ್ರಮ ನಡೆಯುತ್ತಿದ್ದ ವೇಳೆ ಗ್ರೆನೇಡ್ ಎಸೆಯಲಾಗಿದೆ.

‘ ಗ್ರೆನೇಡ್ ದಾಳಿಯಲ್ಲಿ ಮೃತಪಟ್ಟವರ ದೇಹಗಳನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಲಾಗಿದ್ದು, ಗಾಯಗೊಂಡವರನ್ನು ಚಿಕಿತ್ಸೆಗಾಗಿ ಸ್ಥಳೀಯ ಆಸ್ಪತ್ರೆಗೆ ಸಾಗಿಸಲಾಗಿದೆ ‘ ಎಂದು ಹಿರಿಯ ಅಧಿಕಾರಿ ಸುರಿಂದರ್ ಪಾಲ್ ಸಿಂಗ್ ಪರ್ಮಾರ್ ತಿಳಿಸಿದ್ದಾರೆ.

2 thoughts on “ಅಮೃತಸರದ ನಿರಂಕಾರಿ ಭವನದ ಮೇಲೆ ಗ್ರೆನೇಡ್ ದಾಳಿ – ಮೂವರ ಸಾವು, ಹಲವರಿಗೆ ಗಾಯ

Leave a Reply

Your email address will not be published.

Social Media Auto Publish Powered By : XYZScripts.com