ರಾಜ್ಯಕ್ಕೆ 43 ಹೊಸ ತಾಲ್ಲೂಕುಗಳು, ಏನುಪಯೋಗ ?

ಈ ಬಾರಿಯ ಬಜೆಟ್ ಮುಖ್ಯಮಂತ್ರಿ ಸಿದ್ಧರಾಮಯ್ಯನಿಗೆ ಬಹಳ ಮುಖ್ಯವಾದ ಬಜೆಟ್. ಉತ್ತರ ಪ್ರದೇಶದಲ್ಲಿ ಮೋದಿ ಅಲೆ ಭಾರೀ ಕರಾಮತ್ತು ಮಾಡಿರುವುದನ್ನು ಮನಗಂಡಿರೋ ಸಿದ್ಧು ರಾಜ್ಯದ ಜನರ ಓಲೈಕೆಗೆ ಈ ಬಜೆಟ್ ನ್ನು ಪ್ರಮುಖ ಅಸ್ತ್ರವನ್ನಾಗಿ ಬಳಸಿಕೊಳ್ಳಲೇಬೇಕಾಗಿದೆ.

ಹೀಗಾಗಿ ಈ ಬಜೆಟ್ ನಲ್ಲಿ ಅನೇಕ ಜಿಲ್ಲೆಗಳಿಗೆ ಹೊಸ ತಾಲ್ಲೂಕು ಭಾಗ್ಯ ಸಿಕ್ಕಿದೆ. ಹೊಸ ತಾಲ್ಲೂಕುಗಳ ಸೇರ್ಪಡೆ ಮಾಡುವ ಮೂಲಕ ಓಟ್ ಬ್ಯಾಂಕ್ ಬಲಪಡಿಸುವ ಯೋಜನೆ ಇದು ಎನ್ನಲಾಗಿದೆ. ರಾಜ್ಯದ ವಿವಿಧ ಜಿಲ್ಲೆಗಳಲ್ಲಿ ಹೊಸತಾಗಿ ಸೇರ್ಪಡೆಯಾಗಿರುವ ತಾಲ್ಲೂಕುಗಳ ಪಟ್ಟಿ ಹೀಗಿದೆ

ಜಿಲ್ಲೆ                                                                                  ನೂತನ ತಾಲ್ಲೂಕು

ಬಾಗಲಕೋಟೆ                                                    ಗುಳೇದಗುಡ್ಡ, ರಬಕವಿ-ಬನಹಟ್ಟಿ, ಇಳಕಲ್

ಬೆಳಗಾವಿ                                                            ನಿಪ್ಪಾಣಿ, ಮೂಡಲಗಿ, ಕಾಗವಾಡ

ಚಾಮರಾಜನಗರ                                               ಹನೂರು

ದಾವಣಗೆರೆ                                                         ನ್ಯಾಮತಿ

ಬೀದರ್                                                               ಚಿಟಗುಪ್ಪ, ಹುಲಸೂರು, ಕಮಲಾನಗರ

ಬಳ್ಳಾರಿ                                                                ಕಂಪ್ಲಿ, ಕುರುಗೋಡು, ಕೊಟ್ಟೂರು

ಧಾರವಾಡ                                                          ಅಣ್ಣಿಗೇರಿ, ಅಳ್ನಾವರ, ಹುಬ್ಬಳ್ಳಿ ನಗರ

ಗದಗ                                                                    ಲಕ್ಷ್ಮೇಶ್ವರ, ಗಜೇಂದ್ರಗಡ

ಕಲಬುರ್ಗಿ                                                           ಕಾಳಗಿ, ಕಮಲಾಪುರ, ಶಹಾಬಾದ್, ಯಡ್ರಾವಿ

ಯಾದಗಿರಿ                                                            ಹುಣಸಗಿ, ವಡಗೆರ, ಗುರುಮಿಟ್ಕಲ್

ಕೊಪ್ಪಳ                                                               ಕುಕನೂರು, ಕಾರಟಗಿ, ಕನಕಗಿರಿ

ರಾಯಚೂರು                                                      ಮಸ್ಕಿ, ಸಿರವಾರ

ಉಡುಪಿ                                                               ಬ್ರಹ್ಮಾವರ, ಕಾಪು, ಬೈಂದೂರು

ದಕ್ಷಿಣ ಕನ್ನಡ                                                     ಮೂಡುಬಿದಿರೆ, ಕಡಬ

ಇವೆಲ್ಲಾ ಅನೇಕ ವರ್ಷಗಳಿಂದ ಆಯಾ ಪ್ರದೇಶದ ಜನ ತಾಲ್ಲೂಕು ಕೇಂದ್ರಗಳಿಗಾಗಿ ಇಟ್ಟಿದ್ದ ಮನವಿಯ ಅಂಗೀಕಾರದ ಫಲ. ಇವುಗಳಲ್ಲದೇ ಇನ್ನೂ ಅನೇಕ ತಾಲ್ಲೂಕುಗಳ ರಚನೆಯಾಗಿವೆ. ಅಷ್ಟಕ್ಕೂ ಹೊಸ ತಾಲ್ಲೂಕುಗಳಿಂದ ನಿಮಗೇನು ಪ್ರಯೋಜನ ಎಂದು ಜನರನ್ನು ಕೇಳಿದ್ರೆ ಬಹುತೇಕರು ಕೊಡುವ ಮೊದಲ ಉತ್ತರ, “ತಾಲ್ಲೂಕಾದ್ರೆ ಇಲ್ಲೊಂದು ಕೋರ್ಟು, ದೊಡ್ಡ ಕಾಲೇಜು, ಗೋದಾಮು, ಆಸ್ಪತ್ರೆ ಬರುತ್ತೆ”ಎನ್ನುವುದು.

ಹಳ್ಳಿ ಮತ್ತು ಹೋಬಳಿಗಳಿಗೆ ಹೋಲಿಸಿದ್ರೆ ತಾಲ್ಲೂಕು ಕೇಂದ್ರಗಳಲ್ಲಿ ಜನರ ಸೌಕರ್ಯಕ್ಕಾಗಿ ಇರುವ ಸವಲತ್ತುಗಳು, ಕೋರ್ಟು-ಕಚೇರಿಗಳು ಬರುತ್ತವೆ ಎನ್ನುವುದು ನಿಜ.  ಇದರಿಂದಾಗಿ ಅಭಿವೃದ್ಧಿ ಚುರುಕಾಗಿ ಅನುಖೂಲವಾಗುತ್ತದೆ ಎನ್ನುವ ಆಸೆ ಜನರದ್ದು. ಆದ್ರೆ ತಾಲ್ಲೂಕು ಕೇಂದ್ರ ಘೋಷಣೆಯಾದ ಕೂಡಲೇ ಎಲ್ಲಾ ಸವಲತ್ತುಗಳೂ ಸಿಕ್ಕಿಬಿಡುತ್ತವೆ ಎಂದೇನಿಲ್ಲ. ಅನೇಕ ಜಿಲ್ಲಾ ಕೇಂದ್ರಗಳಿಗೇ ಇನ್ನೂ ಯಾವ ಸರ್ಕಾರವೂ ಸಂಪೂರ್ಣ ಸವಲತ್ತುಗಳನ್ನು ಕೊಟ್ಟಿಲ್ಲ. ಮುಂದೆ ಎಂದಾದರೊಮ್ಮೆ ತಮ್ಮೂರು ತಾಲ್ಲೂಕಾಗಿರೋದ್ರಿಂದ ತಮಗೂ ಪ್ರಯೋಜನ ಾಗಬಹುದು ಎನ್ನುವ ಾಶಾಭಾವನೆಯಲ್ಲಿದ್ದಾರೆ ಜನ. ಜನರ ನಿರೀಕ್ಷೆ ಭರಿಸುವ ಜವಾಬ್ದಾರಿ ಮಾತ್ರ ಸರ್ಕಾರದ ಮೇಲಿದೆ.

 

2 thoughts on “ರಾಜ್ಯಕ್ಕೆ 43 ಹೊಸ ತಾಲ್ಲೂಕುಗಳು, ಏನುಪಯೋಗ ?

Comments are closed.

Social Media Auto Publish Powered By : XYZScripts.com