ನಟ ಕಿಚ್ಚ ಸುದೀಪ್ ಟ್ವಿಟರ್ ಅಕೌಂಟ್ ಹ್ಯಾಕ್ ಮಾಡಲು ಯತ್ನ….
ನಟ ಕಿಚ್ಚ ಸುದೀಪ್ ಟ್ವಿಟರ್ ಅಕೌಂಟ್ ಹ್ಯಾಕ್ ಮಾಡಲು ಪ್ರಯತ್ನ ಮಾಡಲಾಗುತ್ತಿದೆ ಎನ್ನುವುದು ತಿಳಿದು ಬಂದಿದೆ. ನಿನ್ನೆ ಮಧ್ಯಾಹ್ನ ಮೂರು ಗಂಟೆಯಿಂದ ಬರೋಬ್ಬರಿ 7 ಬಾರಿ ನಟ ಸುದೀಪ್ ಟ್ವಿಟರ್ ಅಕೌಂಟ್ ಹ್ಯಾಕ್ ಮಾಡಲು ಕಿಡಿಗೇಡಿಗಳು ಯತ್ನಿಸಿದ್ದಾರೆ.
ಟ್ವಿಟರ್ ಅಕೌಂಟ್ ರೀಸೆಟ್ ಮಾಡಲು ಏಳು ಬಾರಿ ಸುದೀಪ್ ಅವ್ರಿಗೆ ಮೇಲ್ಗಳು ಬಂದಿವೆ ಎನ್ನಲಾಗಿದೆ.ಈ ಕುರಿತು ಕಿಚ್ಚ ಸುದೀಪ್ ಅವ್ರ ಫ್ಯಾನ್ ಪೇಜಸ್ನಲ್ಲಿ ಮಾಹಿತಿ ಶೇರ್ ಮಾಡಲಾಗಿದೆ. ಈ ಬಗ್ಗೆ ಸುದೀಪ್ ಇದುವರೆಗೂ ಏನೂ ಹೇಳಿಲ್ಲ. ಆದ್ರೆ ಖುದ್ದು ಅವ್ರೇ ಫಾಲೋ ಮಾಡುವ ಫ್ಯಾನ್ ಪೇಜ್ಗಳಲ್ಲಿ ಈ ರೀತಿ ಹ್ಯಾಕ್ ಕುರಿತ ಟ್ವೀಟ್ಗಳು ಹರಿದಾಡುತ್ತಿರುವುದು ಕುತೂಹಲ ಮೂಡಿಸಿದೆ. ಸದ್ಯ ಕಿಚ್ಚ ಸುದೀಪ್ ಬೆಂಗಳೂರಿನಲ್ಲಿಲ್ಲ.
ಇದೇ ಸೆಪ್ಟೆಂಬರ್ 22ರ ಭಾನುವಾರ ಪೋಲ್ಯಾಂಡ್ಗೆ ತೆರಳಿರುವ ಸುದೀಪ್, ಕೋಟಿಗೊಬ್ಬ 3 ಶೂಟಿಂಗ್ನಲ್ಲಿ ಪಾಲ್ಗೊಳ್ಳಲಿದ್ದಾರೆ. ಅಕೌಂಟ್ ಹ್ಯಾಕ್ ಕುರಿತು ಪೈಲ್ವಾನ್ ನಿರ್ಮಾಪಕಿ ಸ್ವಪ್ನ ಕೃಷ್ಣ ಸ್ಪಷ್ಟನೆ ನೀಡಿದ್ದಾರೆ.
ಕಿಚ್ಚ ಸುದೀಪ್ ಅವ್ರ ಬಳಿ ಮಾಹಿತಿ ಕಲೆ ಹಾಕಲು ಪ್ರಯತ್ನಿಸುತ್ತಿದ್ದೇನೆ. ಆದ್ರೆ ಸಾಧ್ಯವಾಗುತ್ತಿಲ್ಲ. ಅವ್ರ ಬಳಿ ಮಾತನಾಡಿ ನಂತರ ಮುಂದಿನ ಕ್ರಮದ ಬಗ್ಗೆ ತಿಳಿಸುವುದಾಗಿ ಹೇಳಿದ್ದಾರೆ ನಿರ್ಮಾಪಕಿ ಸ್ವಪ್ನ ಕೃಷ್ಣ. ಸುದೀಪ್ ಅವ್ರು ಬೆಂಗಳೂರಿಗೆ ವಾಪಸ್ಸಾದ ಬಳಿಕ ಅವ್ರೇ ಪೊಲೀಸ್ ದೂರು ನೀಡಬಹುದು ಅಥವಾ 15 ದಿನಗಳ ಕಾಲ ಪೋಲ್ಯಾಂಡ್ನಲ್ಲಿ ಶೂಟಿಂಗ್ ನಡೆಯಲಿರುವ ಕಾರಣ, ಮತ್ತೆ ಪೈಲ್ವಾನ್ ನಿರ್ಮಾಪಕರೇ ಟ್ವಿಟರ್ ಅಕೌಂಟ್ ಹ್ಯಾಕ್ ಬಗ್ಗೆ ಪೊಲೀಸ್ ದೂರು ನೀಡಬಹುದು. ಪೈಲ್ವಾನ್ ಪೈರಸಿಯಿಂದ ಪ್ರಾರಂಭವಾದ ಆನ್ಲೈನ್ ಬೆಳವಣಿಗೆಗಳು ಈಗ ಸುದೀಪ್ ಅಕೌಂಟ್ ಹ್ಯಾಕ್ ಆಗುವವರೆಗೆ ಬಂದು ನಿಂತಿದೆ.