ಕರಡಿ ಬಂತು ಕರಡಿ… ಮನೆಗೆ ನುಗ್ಗಿದ ಕರಡಿ ತಪ್ಪಿಸಿಕೊಳ್ಳಲು ಮಾಡಿದ್ದು ಈ ಕೆಲಸ..!

ಆಹಾರವನ್ನು ಅರಸಿ ಪ್ರಾಣಿಗಳು ಮನೆಗಳಿಗೆ ದಾಳಿ ಇಡುವುದು ಇತ್ತೀಚಿಗೆ ಸಹಜವಾಗಿದೆ‌. ಆದರೆ ಇಲ್ಲೊಂದು ಕರಡಿ ಮನೆಗೆ ನುಗ್ಗಿ, ಅಲ್ಲಿಂದ ತಪ್ಪಿಸಿಕೊಳ್ಳಲು ಗೋಡೆಯನ್ನು ಕೊರೆದ ಘಟನೆ ನಡೆದಿದೆ.

ಹೌದು, ಕೊಲೊರಾಡೊದ ಈಸ್ಟ್‌ ಪಾರ್ಕ್‌ನಲ್ಲಿ ಈ ಘಟನೆ ನಡೆದಿದೆ. ಮನೆಯೊಳಗೆ ನುಗ್ಗಿದ ಕರಡಿ, ಪೊಲೀಸರು ಹಾಗೂ ಸಾರ್ವಜನಿಕರು ಮನೆಯೊಳಗೆ ಬರುತ್ತಿರುವುದನ್ನು ಗಮನಿಸಿ ಗೋಡೆ ಕೊರೆದು ಪರಾರಿಯಾಗಿರುವ ಫೋಟೋಗಳನ್ನು ಸ್ಥಳೀಯ ಪೊಲೀಸರು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.

ಈ ಬಗ್ಗೆ ಎಚ್ಚರಿಕೆ ನೀಡಿರುವ‌ ಪೊಲೀಸರು, ಮನುಷ್ಯರು ಬರುವ‌ ವಾಸನೆ ಸಿಗುತ್ತಿದ್ದಂತೆ ತಪ್ಪಿಸಿಕೊಳ್ಳಲು ಈ ರೀತಿ ಮಾಡಿರುವ ಸಾಧ್ಯತೆಯಿದೆ‌. ಆದ್ದರಿಂದ ಮುಂದಿನ ದಿನದಲ್ಲಿ ಮನೆಯಿಂದ ಹೋಗುವಾಗ ಸಾರ್ವಜನಿಕರು‌ ಕಿಟಿಕಿಗಳನ್ನು ಸರಿಯಾಗಿ ಹಾಕುವಂತೆ ಮನವಿ ಮಾಡಿದ್ದಾರೆ.

ನಿಮ್ಮದೊಂದು ಉತ್ತರ

ನಿಮ್ಮ ಮಿಂಚಂಚೆ ವಿಳಾಸ ಎಲ್ಲೂ ಪ್ರಕಟವಾಗುವುದಿಲ್ಲ.