ವಾಹನ ಮಾಲೀಕರೇ ಅಲರ್ಟ್.. ಅಲರ್ಟ್.. : ಬಿಬಿಎಂಪಿಯಿಂದ ಕಾರ್ ಪಾರ್ಕಿಂಗ್ ಶುಲ್ಕ ನಿಗಧಿ!
ಬೆಂಗಳೂರಿಗರೇ ಹೊಸ ಕಾರ್ ಖರೀದಿ ಮಾಡಬೇಕು ಅಂದ್ರೆ ಇಲ್ಲಿ ಗಮನಿಸಿ. ಯಾಕೆಂದ್ರೆ ರಾಜ್ಯ ಸರ್ಕಾರ ಹೊಸ ರೂಲ್ಸ್ ತರಲು ಮುಂದಾಗಿದೆ. ಆ ರೂಲ್ಸ್ ನಿಂದ ನಿಮ್ಮಜೇಬಿಗೆ ಕತ್ತರಿ ಬೀಳೋದು ಗ್ಯಾರೆಂಟಿ. ನೀವೇನಾದ್ರು ಕಾರ್ ಪಾರ್ಕಿಂಗ್ ಮಾಡಿಕೊಂಡಿದ್ದರೆ ಓಕೆ ಆದರೆ ರಸ್ತೆ ಬದಿ ಕಾರ್ ಪಾರ್ಕಿಂಗ್ ಮಾಡಲು ಹೋದರೆ ಬಿಬಿಎಂಪಿ ರೂಲ್ಸ್ ಫಾಲೋ ಮಾಡಲೇಬೇಕು.
ಹೊಸ ರೂಲ್ಸ್ ಪ್ರಕಾರ ಮನೆ ಬಳಿ, ರಸ್ತೆ ಬದಿ ಹಾಗೂ ಕಂಡ ಕಂಡಲ್ಲಿ ಕಾರ್ ಪಾರ್ಕ್ ಮಾಡುವ ಹಾಗಿಲ್ಲ. ಬೇಕಾಬಿಟ್ಟಿ ಪಾರ್ಕ್ ಮಾಡಿದರೆ ಕಾರ್ ಮಾಲೀಕನಿಗೆ ಹೊಸ ರೂಲ್ಸ್ ಪ್ರಕಾರ ದಂಡ ವಿಧಿಸಲಾಗುತ್ತದೆ.
ಹೌದು.. ಇನ್ಮುಂದೆ ಮನೆ ಮುಂದೆ ಕಾರ್ ಪಾರ್ಕಿಂಗ್ ಮಾಡಲು ಬಿಬಿಎಂಪಿ ಅನುಮತಿ ಕಡ್ಡಾಯವಾಗಿರುತ್ತದೆ. ಬೆಂಗಳೂರು ಏರಿಯಾ ವೈಸ್ ಪಾರ್ಕಿಂಗ್ ಶುಲ್ಕ ನಿಗಧಿ ಮಾಡಲು ಸಿದ್ಧತೆ ಮಾಡಲಾಗುತ್ತಿದೆ. ಪಾರ್ಕಿಂಗ್ ಅನುಮತಿ ಸಿಕ್ಕರೆ ಮಾತ್ರ ಕಾರು ಮನೆ ಮುಂದೆ ಪಾರ್ಕ್ ಮಾಡಬೇಕು. ಬಿಬಿಎಂಪಿಗೆ ಹೋಗಿ ಪರ್ಮಿಟ್ (ಅನುಮತಿ ಪತ್ರ) ಪಡೆದವರಿಗೆ ಮಾತ್ರ ಪಾರ್ಕಿಂಗ್ ಅವಕಾಶ ಕೊಡಲಾಗುತ್ತದೆ.ಈ ಕಾನೂನು ಕೆಲವೇ ದಿನಗಳಲ್ಲಿ ಬರಲಿದ್ದು ಸರ್ಕಾರ ಇದಕ್ಕೆ ಅನುಮೋದನೆ ನೀಡಿದೆ.
ಕಾರ್ ಪಾರ್ಕಿಂಗ್ ಗಾಗಿ ವಾರ್ಷಿಕವಾಗಿ ಸಾಮಾನ್ಯ ವಾಹನಕ್ಕೆ ಒಂದು ಸಾವಿರ ರೂ. ಮೀಡಿಯಂ ಗಾತ್ರದ ವಾಹನಕ್ಕೆ 3 ರಿಂದ 4 ಸಾವಿರ ಹಾಗೂ ಎಸ್ ಯುನಂತಹ ಕಾರ್ ಗಳಿಗೆ 5000 ಶುಲ್ಕ ಕಟ್ಟಬೇಕು. ಏರಿಯಾ ವೈಸ್ ಪಾರ್ಕಿಂಗ್ ಶುಲ್ಕ ನಿಗಧಿ ಮಾಡಲು ಡಲ್ಟ್ ಹಾಗೂ ಬಿಬಿಎಂಪಿಗೆ ವಹಿಸಲಾಗಿದೆ.
ಈಗಾಗಲೇ ಬಿಬಿಎಂಪಿ ರಸ್ತೆ ಗುರುತು ಮಾಡುತ್ತಿದೆ. ಗುರುತು ಮಾಡಿದ ಸ್ಥಳಗಳಲ್ಲಿ ಮಾತ್ರ ಪಾರ್ಕಿಂಗ್ ಅವಕಾಶ ನೀಡಲಾಗುತ್ತದೆ. ಯಾವುದೇ ಕಾರಣಕ್ಕೂ ನಿಮಯ ಮೀರೋ ಹಾಗಿಲ್ಲ. ಒಟ್ಟಿನಲ್ಲಿ ಬಿಬಿಎಂಪಿ ಇನ್ನೂ ಕೆಲವೇ ದಿನಗಳಲ್ಲಿ ಪಾರ್ಕಿಂಗ್ ಚಾರ್ಜ್ ವಿಧಿಸೋಕೆ ಸಿದ್ಧತೆ ಮಾಡಿಕೊಳ್ಳುತ್ತಿದೆ.