ಇದೇ ಶನಿವಾರ ಕೋವಿಡ್-19 ಲಸಿಕೆ ಕೇಂದ್ರಗಳನ್ನು ತೆರೆಯಲಿರುವ ಮಾಸ್ಕೋ….!
2020 ರ ಡಿಸೆಂಬರ್ 5 ರ ಶನಿವಾರ ಮಾಸ್ಕೋ ನಗರ ಹೊಸ ಕೋವಿಡ್-19 ವ್ಯಾಕ್ಸಿನೇಷನ್ ಕೇಂದ್ರಗಳನ್ನು ತೆರೆಯುವುದಾಗಿ ಮಾಸ್ಕೋ ಮೇಯರ್ ಘೋಷಿಸಿದ್ದಾರೆ. ಮೊದಲ ಹಂತದಲ್ಲಿ ಶಿಕ್ಷಕರು, ವೈದ್ಯರು ಮತ್ತು ಸಾಮಾಜಿಕ ಕಾರ್ಯಕರ್ತರು ಲಸಿಕೆ ಪಡೆಯಲಿದ್ದಾರೆಂದು ಮೇಯರ್ ಸೆರ್ಗೆಯ್ ಸೋಬಯಾನಿನ್ ಗುರುವಾರ ಹೇಳಿದ್ದಾರೆ.
ಇದಲ್ಲದೆ, ಅಧ್ಯಕ್ಷ ವ್ಲಾಡಿಮಿರ್ ಪುಟಿನ್ ಬುಧವಾರ ಕೋವಿಡ್-19 ವಿರುದ್ಧ ದೊಡ್ಡ ಪ್ರಮಾಣದ ಸ್ವಯಂಪ್ರೇರಿತ ವ್ಯಾಕ್ಸಿನೇಷನ್ ಕಾರ್ಯಕ್ರಮವನ್ನು ರಷ್ಯಾದಾದ್ಯಂತ ಮುಂದಿನ ವಾರದಲ್ಲಿ ಪ್ರಾರಂಭಿಸಲು ಆದೇಶಿಸಿದ್ದು, ಪ್ರಮುಖ ಸ್ಪುಟ್ನಿಕ್ ವಿ ಲಸಿಕೆ ಪಡೆಯಲು ಶಿಕ್ಷಕರು ಮತ್ತು ವೈದ್ಯರು ಸಾಲಿನಲ್ಲಿ ಮೊದಲ ಸ್ಥಾನದಲ್ಲಿರಬೇಕು ಎಂದು ಹೇಳಿದರು. ಮಾಸ್ಕೋದಲ್ಲಿ ಜನರು ಶುಕ್ರವಾರದಿಂದ ಆನ್ಲೈನ್ನಲ್ಲಿ ಜಬ್ಗೆ ನೋಂದಾಯಿಸಿಕೊಳ್ಳಬಹುದಾಗಿದೆ ಎಂದು ಸೊಬಯಾನಿನ್ ತಮ್ಮ ವೆಬ್ಸೈಟ್ನಲ್ಲಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಕಠಿಣ ಲಾಕ್ಡೌನ್ ಕ್ರಮಗಳನ್ನು ಹೇರುವುದನ್ನು ವಿರೋಧಿಸಿರುವ ರಷ್ಯಾ, ಮಾಸ್ಕೋದಲ್ಲಿ 7,750 ಸೇರಿದಂತೆ 28,145 ಹೊಸ ಸೋಂಕುಗಳನ್ನು ಗುರುವಾರ ವರದಿ ಮಾಡಿದೆ.